Maqaalkan waxa aynu si kooban ugaga hadli doonnaa lix arrimood oo ajarkoodu leegyahay ka xajka, waana acmaal ay aad u fuduahay samyantooodu.

Waxaa aynu wada ogsoonahay in acmaasha waaweyn ee uu Eebbe innagu waajibiyay uu ka mid yahay xajku (وَلِلهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيْلًا), Ilaahay waxa uu xaq u leeyahay oo uu waajibsaday in uu la imaado xajka qof kasta oo islaama awoodana in uu guto camalkaa.

Nabi Maxamed ﷺ waxa uu xajka u sheegay fadliyo fara badan oo ay ugu horreyso jannadu,   (الْحَجُّ الْمَبْرُوْر لَيْسَ لَهُ جَزَاءٌ إلّا الْجَنَّة) inta uu qofku xajka ku gudo jiro haddii uu danbiga iska ilaaliyo khayrkana ku dedaalo abaal marin kale malaha oo aan ahayn janno.

Waxa kale oo uu helayaa qofka inta uu xajka tago iska ilaaliya wixii gefa lana imaada khayr faro badan danbi dhaaf waxa uuna soo noqonayaa isagoo ah sidii maalintii ay hooyadii soo dhashay.

Hadaba, qofka jecel in uu soo xajiyo laakiin ay ka hor taaganyihiin caqabado ee xanuusanaya ama waayay kharash uu ku tago, waxa aynu u haynaa bushaarooyin waaweyn oo uu nabi Maxamed ugu bushaareeyay.

Bushaarooyinkan ayaa ah cibaadooyin uu rasuulku sheegay in qofka muslimka ahi uu ka helayo ajarkii xajka iyo cimrada, maaha in uu ka ridayo faralkii ama waajibkii saarnaa oo marka uu awoodo waa uu la imanayaa.

Lixda arrimood ee leh ajarka xajka ayaa kala ah:

• Niyad wanaagsan: qofka aan awoodin in uu guto xajka waa in uu la imaadaa niyo wanaagsan, oo uu ku niyoodaa in uu la iman doono marka uu awood u yeesho. Haddii uu qofku cibaado niyeeyo go,aana ku gaadho in uu sameyn doono waxa uu helaa ajarka cibaadadaa uu niyeeyay noocay doonto ha ahaatee lakiin faralkii kaga dhici maayo.

• Salaadaha faralka ah oo masaajidada lagu tukado: nabi Maxamed ﷺ ayaa leh: qofka gurigiisa ka baxa isaga oo soo dahaara qaatay ujeedka uu usoo baxayaana ay tahay salaad farala in uu soo tukado, waxa loo qoraa ajarka loo qoro qofka soo xajiyay oo kale.

• Qofka salaadda subax jamac ku tukada keddibna aan ka kicin meeshii uu fadhiistay isaga oo wada xuska Ilaahay illaa ay ka soo baxayso cadceedu waran in leeg markaana tukada laba rakcadood, waxa uu leeyahay xaj iyo cumro dhamaystiran ajarkooda, nabi Maxamed ﷺ ayaa xadiis innoogu sheegay sida aynu macnihiisa soo sheegnay.

• In salaadaha faaralka ah ka bacdi la akhriyo adkaartii uu nabi Maxamed akhriyi jiray kuwaasoo kala ah in la idhaahdo 33 jeer سبحان الله, 33 jeerna الحمد لله, 33 jeerna الله اكبر, boqolna lagaga dhigo لا إله إلا الله وحده لا شريك له له الملك وله الحمد وهو على كل شيء قدير  

• Cumrada la guto bisha ramadaan ayaa iyadana laga helaa ajar leeg ka xajka, welibana waxa ay la mid tahay xajka aad gudato adiga oo nabi Maxamed la socda ﷺ. Qofka oo xaadira meelaha lagu dhigayo culuumta diiniga ah sida tafsiirka, axaadiista iyo shareecada islaamka, sidoo kale duruusta ka baxaysa masaajidka in uu qofku ku hakado oo uu yara dhugto waxa laga helaa ajar u dhigma ka xajka.